Archive for August, 2011

!…અમરનાથ કહેવાયા રે…!


!…અમરનાથ કહેવાયા રે…!

  શિવ ભોલા પધારો,

જીવરૂપી બાળ પુકારે રે…!

ભક્તિને અનુરૂપ,

જીવનની મધુરપ આપો રે…!

પૃથ્વી રે લોકમાં,

ગુણગાન ગાય તારા રે…!

ઠેર ઠેર યજ્ઞ કરી,

ભક્તિમાં મજ્ઞ બન્યા રે…!

કોઈ કહે પરમેશ્વર,

કોઈ કહે રામેશ્વર રે…!

જગમાં વિષ પીઈને

વિષ રામ કહેવાયા રે…!

સૌના નાથ બની,

અમરનાથ કહેવાયા રે…!

+++++++++++++++++++++++++++++++++++++++++

( ચિત્ર લેવા બદલ ગુગલ અને નેટ જગતનો આભાર )

ડૉ. કિશોરભાઈ એમ.પટેલ

આઈ.એન.ટેકરાવાળા ઉ.મા.શાળા, રાંદેરરોડ, સુરત



!…વૃંદા તે વનમાં વાંસળી રે વાગી…!


 

!…વૃંદા તે વનમાં વાંસળી રે વાગી…!

 

 

 

વૃંદા તે વનમાં વાંસળી રે વાગી,

 

એ તો કોણે કોણે સાંભળી રે,

 

રાધા અને ગોપીઓએ સાંભળી…વૃંદા તે વનમાં વાંસળી રે વાગી…!

 

વૃંદા તે વનમાં વાંસળી રે વાગી,

 

એ તો કોણે કોણે સાંભળી રે,

 

મીરાં અને નરસૈયાએ સાંભળી…વૃંદા તે વનમાં વાંસળી રે વાગી…! 

 

 

 વૃંદા તે વનમાં વાંસળી રે વાગી,

 

એ તો કોણે કોણે સાંભળી રે,

 

મોરલા અને ગોવાળોએ સાંભળી…વૃંદા તે વનમાં વાંસળી રે વાગી…!

  

 

 

વૃંદા તે વનમાં વાંસળી રે વાગી,

 

એ તો કોણે કોણે સાંભળી રે,

 

મિત્ર સુદામા અને પાંડવોએ સાંભળી…વૃંદા તે વનમાં વાંસળી રે વાગી…!

 

 

 

 વૃંદા તે વનમાં વાંસળી રે વાગી,

 

એ તો કોણે કોણે સાંભળી રે,

 

કાળીનાગ અને રાણીઓએ સાંભળી…વૃંદા તે વનમાં વાંસળી રે વાગી…! 

 

 

 

 

 

 

 

 

 

વૃંદા તે વનમાં વાંસળી રે વાગી,

 

એ તો કોણે કોણે સાંભળી રે,

 

મેઘરાજા અને ગોવર્ધન પર્વતે સાંભળી…વૃંદા તે વનમાં વાંસળી રે વાગી…!

 

 

 

 

 

 

વૃંદા તે વનમાં વાંસળી રે વાગી,

 

એ તો કોણે કોણે સાંભળી રે,

 

વૃંદા તે વનના વનરાજે સાંભળી…વૃંદા તે વનમાં વાંસળી રે વાગી…!

  

 

++++++++++++++++++++++++++++++++++++++++++

 ( ચિત્ર બદ્લ નેટ જગત અને ગુગલનો આભાર ) 

 

ડૉ. કિશોરભાઈ એમ.પટેલ

 

આઈ.એન.ટેકરાવાળા ઉ.મા.શાળા, રાંદેરરોડ, સુરત 


!…કાનુડા મારી આતુરતાનો અંત લાવો રે…!


!…કાનુડા મારી આતુરતાનો અંત લાવો રે…!

કાનુડા મારી આતુરતાનો અંત લાવો રે,

મૈયા દેવકીનો સાદ સાંભળી પ્રતિસાદ દીધો રે…!

યશોદાના હૈયે વસી યશ આપ્યો રે,

જશોદાનો દુલારો કહેવાયો રે…!

રામ-લખનથી ઓળખાયો રે,

કિશન-કાનુડો કહેવાયો રે…!

મામા કંસથી મુક્તિ અપાવી રે,

રાક્ષસોનો સંહારક કહેવાયો રે…!

વૃદાં તે વનમાં વાંસળી વગાડી રે,

રાધા-કિશનથી ઓળખાયો રે…!

મોરલીવાળો-સુદર્શન ચક્રધારી રે,

નંદના લાલથી ઓળખાયો રે…!

સુદામાનો મિત્ર અને અર્જુનનો સારથિ બન્યો રે,

ધર્મના રક્ષક બની અમ આંગણે પધારો રે…!

દિલમાં રામ રાખીને ગોવર્ધન ઉઠાવ્યો રે,

એ તો મારો કિશન-બલરામ કહેવાયો રે…!

++++++++++++++++++++++++++++++++++++++++++

( ખાસ નોંધ : ચિત્ર લેવા બદલ નેટ જગતનો ખુબ ખુબ આભારી છું. )

ડૉ. કિશોરભાઈ એમ.પટેલ

આઈ.એન.ટેકરાવાળા ઉ.મા.શાળા, રાંદેરરોડ, સુરત


!…આ દેશ શ્રવણોનો દેશ છે…!


                 !…આ દેશ શ્રવણોનો દેશ છે…!

 

આ દેશ શ્રવણોનો દેશ છે,

રાવણો નો નહિ.

આ દેશ માનવોનો દેશ છે,

દાનવોનો નહિ.

આ દેશમાં માનવને પણ,

દેવ તરીકે પુજવામાં આવે છે.

આ દેશ દેવી-દેવતાઓનો દેશ છે,

જ્યાં પ્રભુએ પણ આશ્રમમાં રહી,

વિદ્યાગ્રહણ કરી હતી.

આ દેશમાં વૃક્ષોને પણ,

દેવી-દેવતા તરીકે પુજવામાં આવે છે.

આ દેશમાં ભક્ત ધૃવ અને એકલવ્ય જેવા

આદર્શ વિદ્યાર્થીઓનો દેશ છે.

આ દેશ સંસ્કાર, સંસ્કૃતિ,

પ્રમાણિકતા તથા સત્યની આધારશિલા

પર ચાલતો દેશ છે.

આ દેશના સાદાય, સેવા, સંયમ, 

પરિશ્રમ જેવા આધારસ્તંભો છે.

મા, માતૃભૂમિ, માતૃભાષાને

મારા કોટિ કોટિ વદન

++++++++++++++++++++++++++++++++++++++++++

ડૉ. કિશોરભાઈ એમ.પટેલ

આઈ.એન.ટેકરાવાળા ઉ.મા.શાળા, રાંદેરરોડ, સુરત

!…સત્તર અક્ષરવાળો…!


!…સત્તર અક્ષરવાળો…!

પૃથ્વી રે છંદ, પૃથ્વી રે છંદ

હાસ્યના ફુવારા વેરે મંદ મંદ

આઠમે યતિને, વધે ધરાની ગતિ

મારા બાળ છે. જ, સ, જ, સ, ય, લ, ગા…!

સત્તર અક્ષરવાળો

મંદા રે ક્રાંતા, મંદાક્રાંતા  

ખાય ભલભલા તારામાં ગોથા

ચોથા અક્ષરે યતિને, ફેરવાય બધાની મતિ

મારા બાળ છે. મ, ભ, ન, ત, ત, ગા, ગા…!

સત્તર અક્ષરવાળો

શિખરિણી છંદ રે, શિખરિણી છંદ

તારી કાયા છે, ખુબજ પડછંદ

છઠ્ઠા અક્ષરે યતિને, ઓળખો મારી જાતિ

મારા બાળ છે. ય, મ, ન, સ, ભ, લ, ગા…!

++++++++++++++++++++++++++++++++++++++++++

ડૉ. કિશોરભાઈ એમ.પટેલ

આઈ.એન.ટેકરાવાળા ઉ.મા.શાળા, રાંદેરરોડ, સુરત

!…માતા એ પ્રેમની યુનિવર્સિટી છે…!


!…માતા એ પ્રેમની યુનિવર્સિટી છે…!

માતા એ પ્રેમ નામની યુનિવર્સિટી ચલાવે છે,

તેમાં દરેક પ્રકારના સ્નાતક, અનુસ્નાતક કક્ષાના કોર્ષો ચાલે છે,

પણ બાળકે યોગ્ય કોર્ષ પસંદ કરવાનો છે.

આ કોર્ષોમાંથી કેટલાક કોર્ષો 5 વર્ષ માટેના તો કેટલાક

આજીવન ચાલતો અભ્યાસક્રમ છે.

સહકાર, ધગશ, ધૈર્ય, સહનશીલતા એ સર્વે ડિપ્લોમાં ટાઈપ ચાલતા કોર્ષ છે. 

આ કોર્ષોમાં પ્રમાણિકતા, સંસ્કાર, સત્યના પાઠો, હકારાત્મક અભિગમ,

બીજાને મદદરૂપ થવાની ભાવના, દેશપ્રેમ, એકતા વિગેરે અનેક અભ્યાસક્રમ ચાલે છે.

મેડીકલ કે ઈજનેરી વિદ્યાશાખામાં ન ચાલતા હોય તેવા કોર્ષો આ

યુનિવર્સિટીમાં ચાલે છે. તેમાં આપણે કેટલા સફળ થઈએ છીએ,

તે જોવાનું કામ સમય આવ્યે આપણે સમાજને કરી બતાવવાનું છે.

કહેવાય છે કે “ ઈશ્વર તો સુખ અને દુ:ખ બંને આપે છે,

 જયારે માતા તો પોતાના બાળકને માત્ર સુખ અને સુખ જ આપે છે.”

દુ:ખને એ પોતાના હૈયામાં સમંદરની માફક સમાવી લે છે.

મે એમ સાંભળ્યુ છે કે ડૉકટરી સારવાર વખતે “ ICU ” માં દરદી હોય ત્યારે

તેની સલામતીની વધુ કાળજી લેવાતી હોય છે, તેવી જે રીતે બાળક જ્યારે

 માતાના ખોળામાં હોય ત્યારે સૌથી વધુ સલામત હોય છે.

 

અંતે મારે એટલું જ કહેવું છે કે શક્ય હોય એટલું પાલન કરવું,

થઈ શકે તેટલુ કરવું, હું કોઈ આદર્શવાદી વિચારસરણીવાળો વ્યક્તિ નથી.

મને લખતા લખતા જે વિચારો આવ્યા તે લખી નાંખ્યા…! 

 “ જય જય ગરવી ગુજરાતીઓ” 

++++++++++++++++++++++++++++++++++++++++++

ડૉ. કિશોરભાઈ એમ.પટેલ

આઈ.એન.ટેકરાવાળા ઉ.મા.શાળા, રાંદેરરોડ, સુરત