!…મેઘો જામ્યોને, ધરતીપુત્રો હરખાયા…!

!…મેઘો જામ્યોને, ધરતીપુત્રો હરખાયા…!

 

મેઘો જામ્યોને, ધરતીપુત્રો હરખાયા

સાથે સાથે અન્નપ્રધાન મલકાયા,

 

ટી. વી. પર સમાચાર દેખાયા

અનાજના ભંડારો પાણીમાં ભીનાયા, 

 

વૃક્ષોએ ફેલાવી પોતાની છાંયા

પશુ – પક્ષીઓએ ફેલાવી કાયા,

 

ચારેકોર નદી સરોવર છલકાયા

કુદરતની શરૂ થઈ માયા,

 

ગરીબી – બેકારીમાં કુટુંબો અટવાયા,

મોઘવારીમાં કોમળ ફૂલ કરમાયા,

 

ભ્રષ્ટ લોકો રોજેરોજ ચમક્યા

છતાં નવા દાવપેચ નથી છોડી શક્યા,

  

આજ કુદરતી ‘ કણ ’  શોધાયા

માનવો થયા આજ રઘવાયા  

 

+++++++++++++++++++++++++++++++++++++

( ચિત્ર લેવા બદલ ગુગલ અને નેટ જગતનો આભાર )

ડો. કિશોરભાઈ એમ.પટેલ  

શ્રીમતી આઈ. એન. ટેકરાવાળા ઉ. મા . શાળા,

રાંદેરરોડ, સુરત