!…ભૂલો બીજુ બધું પરંતુ ફિશરને ભૂલશો નહિ…!

પ્રિય મિત્રો,

ધોરણ : 12 સામાન્યપ્રવાહના આંકડાશાસ્ત્ર વિષયમાં પ્રકરણ – 1 સૂચકઆંક  છે,

જેમાં આદર્શસૂચકઆંક પ્રો. ફિશરનો સૂચક આંક છે તેના પરથી

” ભુલો બીજુ બધુ પણ મા – બાપને ભુલશો નહિ ” 

એ રાગ આધારિત શૈક્ષણિક કાવ્ય બનાવવાનો પ્રયત્ન કરેલ છે,

આશા છે કે આપને પસંદ પડશે. 

!…ભૂલો બીજુ બધું પરંતુ ફિશરને ભૂલશો નહિ…!

 

ભૂલો બીજું બધું પરંતુ ફિશરને ભૂલશો નહિ

અગણિત ઉપકાર છે, એના એ કદી વિસરશો નહિ,

લીધી FRT / TRT તણી કસોટી

જથ્થાને ભાવ અને ભાવને જથ્થો માન્યો,

સમય તત્વને બદલી નાંખીને

એ પુનિત પગલાં થકી કહેવાયા આદર્શ,

સાબિતી એક લાવનારને કદી ભૂલશો નહિ,

આ દાખલા સરળ છે, એવું માનશો નહિ,

લાસ્પેયર – પાશેનો ગુણોત્તર મુકીને

ગણવા ચાહો તો ગણી શકાય એ વાત ભૂલશો નહિ,

જથ્થા – ભાવમાં અટવાયા પોતે

દાખલા ગણી આપ્યા આપને

એ વાતને કદી વિદ્યાર્થી જગત ભૂલશે નહિ,

ફરજિયાત પુછાતા દાખલાના ગુણ કદી ગુમાવશો નહિ,

ધ્યાનથી કૌષ્ટક બનાવી ચેક કરવાનું ભૂલશો નહિ,

સૂત્ર મુકી સાચી રકમ મુકવાનું ભૂલશો નહિ,

લોગટેબલમાં જોતા કિંમત મળશે બધી,

પરંતુ કેલ્ક્યુલેટર પર ગણતરી કરી

જવાબ મેળવવાનું કદી ભૂલશો નહિ,

આ માયાળુ સ્વભાવના ફિશરને

વંદન કરવાનું ભૂલશો નહિ.

+++++++++++++++++++++++++++++++++++++++

( ચિત્ર લેવા બદલ ગુગલ અને નેટ જગતનો આભાર )

ડો. કિશોરભાઈ એમ.પટેલ 

શ્રીમતી આઈ. એન. ટેકરાવાળા ઉ. મા. શાળા,

રાંદેરરોડ, સુરત