!!!…દિપાવલિમાં આંગણું સજાવજો રે…!!!

!!!…દિપાવલિમાં આંગણું સજાવજો રે…!!!

 

એકાદશી, વાઘબારસ અને ધનતેરસ,

માં લક્ષ્મીને યાદ કરી ધનપુજન કરશો રે…દિપાવલિમાં આંગણું સજાવજો રે…!!!

 

 

દિપાવલિમાં આંગણું સજાવી,

મંદિર જેવા ઘરને સજાવજો રે…દિપાવલિમાં આંગણું સજાવજો રે…!!!

 

 

જીવનને પ્રકાશમય બનાવવા,

દીપ પ્રગટાવી રોશની ફેલાવજો રે…દિપાવલિમાં આંગણું સજાવજો રે…!!!

 

 

વ્હાલા બાળ વડીલોને નમન કરી,

નૂતન વર્ષમાં આશીર્વચન મેળવજો રે…દિપાવલિમાં આંગણું સજાવજો રે…!!!

 

વડીલો ભલે ચોપડા પૂજન કરે,

બાળકો તમો ચોપડી પૂજન કરશો રે…દિપાવલિમાં આંગણું સજાવજો રે…!!!

 

 

રોકેટ-ફટકડા, હવાઈ ભલે ઉડાવો,

સુતળી બોમ્બથી કાળજી રાખજો રે…દિપાવલિમાં આંગણું સજાવજો રે…!!!

 

 

તનક તારા ટમ ટમ થાય,

તોય ભોંય ચકરડી ફેરવજો રે…દિપાવલિમાં આંગણું સજાવજો રે…!!!

 

 

જગતને ભાઈચારાનો સંદેશો આપવા,

વડીલોનું કહ્યું માની દિપાવલિ મનાવો રે…દિપાવલિમાં આંગણું સજાવજો રે…!!!

 

 

નૂતનવર્ષમાં મિઠાઈ વહેંચી,

સંસારમાં મિઠાશ ફેલાવશો રે…દિપાવલિમાં આંગણું સજાવજો રે…!!!

 

 

કુટુંબમાં એકતાની લહેરકી પ્રસરાવી,

ભાઈબીજમાં બહેનીના આમંત્રણ સ્વીકારજો રે…દિપાવલિમાં આંગણું સજાવજો રે…!!!

 

લાભ પાંચમના શુભ પ્રારંભથી,

કિશોર કહે કરો કાર્યનો આરંભ રે…દિપાવલિમાં આંગણું સજાવજો રે…!!!

 

+++++++++++++++++++++++++++++++++++++++++++++++

ડૉ.કિશોરભાઈ ઍમ.પટેલ

આઈ.એન.ટેકરાવાળા ઉ.મા.શાળા,રાંદેરરોડ,સુરત-૯

!…ગની નામની કલમ પકડી હાથમાં…!

!…ગની નામની કલમ પકડી હાથમાં…!

 

ગની નામનો રણકો જાગ્યો છે, છાતીમાં

ગઝલો લખવા બેઠો છે. મારી પાટીમાં,  

 

ગની નામની કલમ પકડી હાથમાં

ગઝલો લખવા માંડી સંગાથમાં,

 

છેડું છું ગની સામે ગઝલનો જંગ,

થાય છે મારી કલમ તંગ,   

 

ગની સાહબ પર ગઝલ લખુ,

એવી મારી હેસિયત નથી,

 

ગની સાહબ પર કવિતા લખુ,

એવા મારી પાસે છંદ નથી,  

 

ગની સાહબનું ચિત્ર દોરી શકું,

એવા મારી પાસે રંગ નથી,

 

ગાતા ઝરણાં કહે છે કે

દહીં વલોવી શકે એવું,

વલોણું મારી પાસ નથી,

 

કુદરતને કહ્યું ફરી બનાવ ગની,

એવામાં પ્રભુએ ફેલાવી સનસની,  

 

અંતે કુદરત મજબૂર થઈ કહે છે,

કિશોર એવા મારી પાસ હવે,

 સુંદર બીજા અંગ નથી…!  

++++++++++++++++++++++++++++++++++++++++++

ડૉ. કિશોરભાઈ એમ.પટેલ

શ્રીમતી આઈ.એન.ટેકરાવાળા ઉ.મા.શાળા, રાંદેરરોડ, સુરત – 9