Archive for the ‘કાવ્યો’ Category

!…તારા નયનોની ભીતરમાં…!


 

!…તારા નયનોની ભીતરમાં…!

 

સ્વપ્ન સજાવી બેઠો તારી યાદમાં,

ક્યારનો ખોવાઈ ગયો હું સંવાદમાં,

 

તારા વિના લાગે મારૂ ભવન,

એક બંધિયાર, ગાઢ વન જેવું,

 

હું કરવા જાઉં જીવનને સજીવન,

પ્રયત્ન કરતો રહીશ આજીવન,

 

ક્દાચ અણધારી થાય મારી વિદાય,

તો પણ તું યાદ રાખશે સદાય,

 

કદાચ દાયકાઓ વીતી જાય,

કદાચ કાયદાઓ બદલાય,

 

પણ મને ખાતરી છે કે,

તારા નયનોની ભીતરમાં,

 

વહેતી સરિતામાં મારા,

નામની એક કવિતા વહે છે.

*************************************

ડૉ.કિશોરભાઈ એમ.પટેલ

 

મોંઘવારી રે, હો…મોંઘવારી રે…!


મોંઘવારી રે, હો…મોંઘવારી રે…!

મોંઘવારી રે, હો…મોંઘવારી રે

તું તો ઘુમે બધે અલમારી રે,


ગરીબોને રડાવનારી રે,

પરસેવો પડાવનારી રે… હો…મોંઘવારી રે…!


કાંદાના ભાવો વધ્યા,

બટેટાના ભાવો વધ્યા… હો…મોંઘવારી રે…!


ના વધ્યા માનવના ભાવો,

સ્વપ્નોને ચકનાચુર કરનારી રે… હો…મોંઘવારી રે…!


દર્દોને વધારનારી રે,

કુટુંબને ડરાવનારી રે… હો…મોંઘવારી રે…!


હિન્દુસ્તાનને શરમાવનારી રે,

બધાને અકળાવનારી રે… હો…મોંઘવારી રે…!


 

પેટ્રોલ-ડિઝલના ભાવોએ,

ગાડી મુકાવી પાર્કિંગમાં… હો…મોંઘવારી રે…!

 

 

મોંઘવારીની મોટી સવારી,

મોંઘવારીની સવારી આવી રે… હો…મોંઘવારી રે…!

 

 

 

ડૉ.કિશોરભાઈ એમ.પટેલ

!!!…સમયને સરનામું નથી…!!!


!!!…સમયને સરનામું નથી…!!!

સમયને સરનામું નથી,

ગમે ત્યારે કોઈનો સમય આવે છે…સમયને સરનામું નથી…!

સમય પર કાબુ નથી,

સમયને સાચવવાનો હોય છે…સમયને સરનામું નથી…!

કહે છે,સમય મળતો નથી,

સમય છે,પણ સુઝ નથી…સમયને સરનામું નથી…!

સમયને નિયમ અને સંયમ છે,

માનવે સમયમાં સંયમી બનવાનું છે…સમયને સરનામું નથી…!

સમયને સુદર્શનચક્ર છે,

તેની પાંખોથી ઉડી જશે…સમયને સરનામું નથી…!

સમયનો પડછાયો નથી,

તેને કદાપિ પકડી શકાતો નથી…સમયને સરનામું નથી…!

સમય સર્વ શક્તિમાન છે,

સાચવી લે તું માનવ…સમયને સરનામું નથી…!

કિશોર કહે સમય ઍજ ભગવાન છે,

પછી મળવાનો નથી સમય…સમયને સરનામું નથી…!


ડૉ.કિશોરભાઈ એમ.પટેલ

આઈ.એન.ટેકરાવાળા ઉ.મા.શાળા,રાંદેરરોડ,સુરત-૯

 

 

!…કોમેન્ટસ કયા નામે મોકલવી…!


!…કોમેન્ટસ કયા નામે મોકલવી…!

રચના વાંચી મારૂ હૈયુ મલકાય,

હવે તમે જ બતાવો કે, કોમેન્ટસ કયા નામે મોકલવી…!

હૈયામાં સાગર છલકાય,

હવે તમે જ બતાવો કે, કોમેન્ટસ કયા નામે મોકલવી…!

ઈશ્વરનું નામથી મુખડું મલકાય,

હવે તમે જ બતાવો કે, કોમેન્ટસ કયા નામે મોકલવી…!

કોમેન્ટસ લખવામાં હું ગયો અટવાય,

હવે તમે જ બતાવો કે, કોમેન્ટસ કયા નામે મોકલવી…!

ગઝલ કવિતાનો રાફડો બંધાય,

હવે તમે જ બતાવો કે, કોમેન્ટસ કયા નામે મોકલવી…!

રોજ રોજ મુકામ બદલાય,

હવે તમે જ બતાવો કે, કોમેન્ટસ કયા નામે મોકલવી…!

હરિનું નામ સાંભળી મન હરખાય,

હવે તમે જ બતાવો કે, કોમેન્ટસ કયા નામે મોકલવી…!

કિશોર કહે ઠેર ઠેર ટહુકા સંભળાય,

હવે તમે જ બતાવો કે, કોમેન્ટસ કયા નામે મોકલવી…!

*********************************************

Dr. Kishorbhai Mohanbhai Patel

Smt.I.N.Tekrawala Higher Secondary School, Rander road, Surat

 

 

!…નેતાઓના વચન હોય ઍકવચન…!


!…નેતાઓના વચન હોય ઍકવચન…!

નેતાઓના વચન હોય શરૂમાં ઍકવચન,

વધતા વધતા થાય બહુવચન રે…નેતાઓના વચન હોય ઍકવચન…!

નેતાઓના વચન હોય લચીલા રે,

ભારતની ભોળી પ્રજા ભુલી જાયે રે…નેતાઓના વચન હોય ઍકવચન…!

ભોળા છે.પણ ભોઠ નથી રે,

ઍનું ભાન કરાવવાનો સમય આવ્યો રે…નેતાઓના વચન હોય ઍકવચન…!

ભણેલાને ભણાવે અભણ રે,

કવિતાથી ન ભણે તો પાઠ ભણાવો રે…નેતાઓના વચન હોય ઍકવચન…!

ભૂતકાળમાં નેતા હાકલ કરતા તો,

ભેગા થઈ જતા નવયુવકો રે…નેતાઓના વચન હોય ઍકવચન…!

પ્રાણ જાય પણ વચન ન જાય રે,

ઍ પણ ઍક દિન હતો રે…નેતાઓના વચન હોય ઍકવચન…!

બારખડી પ્રમાણે થાય કૌભાંડો રે,

દરેકની રીત-ભાત નોખી અનોખી રે…નેતાઓના વચન હોય ઍકવચન…!

કિશોર કહે મતદારોને, કોઈ દિ’દેખાતા,

નેતાઓને ઓળખી કાઢો રે…નેતાઓના વચન હોય ઍકવચન…!

*********************************************

ડો. કિશોરભાઈ ઍમ.પટેલ

 

!…જીવન ઍવું તો જીવો કે મૃત્યુ પર દુશ્મન પણ આંસુ સારે રે…!


!…જીવન ઍવું તો જીવો કે મૃત્યુ પર દુશ્મન પણ આંસુ સારે રે…!

પહેલા તે ચરણમાં બાળ બની માની મમતા માંગી લે,

જીવન ઍવું તો જીવો કે મૃત્યુ પર દુશ્મન પણ આંસુ સારે રે…!

બીજા ચરણમાં બાળક બની માત્-પિતાનો પ્રેમ માંગી લે,

જીવન ઍવું તો જીવો કે મૃત્યુ પર દુશ્મન પણ આંસુ સારે રે…!

ત્રીજા તે ચરણમાં યુવાધન બની વિદ્યા મેળવી લે,

જીવન ઍવું તો જીવો કે મૃત્યુ પર દુશ્મન પણ આંસુ સારે રે…!

ચોથા તે ચરણમાં નેક બની ધન મેળવી લે,

જીવન ઍવું તો જીવો કે મૃત્યુ પર દુશ્મન પણ આંસુ સારે રે…!

પાંચમા તે ચરણમાં જીવન સંસાર માણી લે,

જીવન ઍવું તો જીવો કે મૃત્યુ પર દુશ્મન પણ આંસુ સારે રે…!

છઠ્ઠા તે ચરણમાં તું તારા પૂણ્ય-કર્મો કમાય લે,

જીવન ઍવું તો જીવો કે મૃત્યુ પર દુશ્મન પણ આંસુ સારે રે…!

સાતમાં તે ચરણમાં સંસારના નિઃસ્વાર્થ સંબંધો નિભાવી લે,

જીવન ઍવું તો જીવો કે મૃત્યુ પર દુશ્મન પણ આંસુ સારે રે…!

આઠમા તે ચરણમાં તું પ્રભુને યાદ-ફરિયાદ કરી લે,

જીવન ઍવું તો જીવો કે મૃત્યુ પર દુશ્મન પણ આંસુ સારે રે…!

કિશોર કહે હરિના ઉપકારને માનવ તું શાનો વિસરે રે,

જીવન ઍવું તો જીવો કે મૃત્યુ પર દુશ્મન પણ આંસુ સારે રે…!

******************************************
ડો.કિશોરભાઈ ઍમ.પટેલ

આઈ.ઍન.ટેકરાવાળા ઉ.મા.શાળા,રાંદેરરોડ,સુરત્-૯

 

!!!…તું શાને મારે છે, તારા પગમાં કુહાડી…!!!


!!!…તું શાને મારે છે, તારા પગમાં કુહાડી…!!!

જળ રે બચાવ માનવ,જળ રે બચાવ,

તું શાને મારે છે,તારા પગમાં કુહાડી…!

પ્રદુષણ અટકાવ માનવ,પ્રદુષણ અટકાવ,

તું શાને મારે છે,તારા પગમાં કુહાડી…!

વ્યસનથી દુર રહે અને વ્યસન તું છોડાવ,

તું શાને મારે છે,તારા પગમાં કુહાડી…!

વૃક્ષો તું રોપાવ અને નિકંદન તું અટકાવ,

તું શાને મારે છે,તારા પગમાં કુહાડી…!

દીકરીઓને ભણાવ માનવ,દીકરીઓને ભણાવ,

તું શાને મારે છે,તારા પગમાં કુહાડી…!

કૌભાંડી નેતાઓને તું પાઠ ભણાવ,

તું શાને મારે છે,તારા પગમાં કુહાડી…!

ભારતનું માન-સન્માન વિશ્વમાં તું ફેલાવ,

તું શાને મારે છે,તારા પગમાં કુહાડી…!

કિશોર કહે બાળદિને માનવને,બાળ મજુરી તું અટકાવ,

તું શાને મારે છે,તારા પગમાં કુહાડી…!


*****************************
ડો.કિશોરભાઈ ઍમ.પટેલ

આઈ.ઍન.ટેકરાવાળા ઉ.મા.શાળા,રાંદેરરોડ,સુરત્-૯

!!!…ગુજરાતીજન તો તેને રે કહીએ…!!!


!!!…ગુજરાતીજન તો તેને રે કહીએ…!!!


ગુજરાતીજન તો તેને રે કહીએ, જે બીજાને મદદ કરી જાણે રે.
કવિતા અને ગઝલ લખે તોય, મન અભિમાન ન આણે રે
ગુજરાતીજન તો તેને રે કહીએ…!

સકળ લોકમાં સૌને કોમેન્ટસ આપે, નિંદા ન કરે કોઈની રે.
વાણી, વર્તન શુધ્ધ રાખે, ધન્ય ધન્ય છે તેમની જનેતા રે
…ગુજરાતીજન તો તેને રે કહીએ…!

શાયરી – ગઝલમાં સમય કાઢી, પરસ્પર દેવોભવોની ભાવના રે.
સત્યના માર્ગે ચાલે અને ચલાવે, તોય કાળું નાંણું નવ ઝાલે હાથ રે
…ગુજરાતીજન તો તેને રે કહીએ…!

મોહ માયા પર કાબુ જેનો, સેવા ભાવ તેમના મનમાં રે.
સ્વરે સ્વરે ઈશ્વર બેઠો તોય, તિરથ માત-પિતાના ચરણોમાં રે
.
..ગુજરાતીજન તો તેને રે કહીએ…!

લોભ-થોભ છોડ્યો જેણે, તન મનમાં શાંતિ તેને રે.
કિશોર પટેલની રચના જોતાં, ગુજરાતી સમાજે તેને તાર્યો  રે
…ગુજરાતીજન તો તેને રે કહીએ…!

ડો.કિશોરભાઈ એમ.પટેલ
આઈ.એન.ટેકરાવાળા ઉ.મા.શાળા,રાંદેરરોડ,સુરત-૯

તા.૨૯ / ૭ / ૨૦૧૦
સમય ઃ રાત્રે ઃ ૮-૫૦ કલાકે

ગુજરાતીજન તો તેને રે કહીએ

યુવાધન ” શિક્ષણ અને આધ્યાત્મ ” વિના ભટકેલ છે…!


યુવાધન ” શિક્ષણ અને આધ્યાત્મ ” વિના ભટકેલ છે…!

શિક્ષણ એ સર્વે સમસ્યાઓનો ઉકેલ છે,

જો જાગ્રતતા ન આવે તો તે મુશ્કેલ છે.

મેં ” ધો.૧૦ / ૧૨ પછી શું? ” અને ” સ્ટુડન્ટ કોર્નર ” ગૃપ મુકેલ છે.
પરંતુ ગુજરાતી ભાઈઓ તમારા જોડાયા વિના કામ અટકેલ છે.

યુવાધન ” શિક્ષણ અને આધ્યાત્મ ” વિના ભટકેલ છે,
તેથી જ તો યુવાધનની નજર આપણાં સૌના પર ટકેલ છે.

શિક્ષણ-આદ્યાત્મરુપી ઝાડ યુવાનો માટે રોપેલ છે,
આ ઝાડ પર હવે યુવાધન માટે ફળ લટકેલ છે.

આપ જેવા સેવાભાવી મિત્રો મને મળી શકેલ છે,
તેથી મારી દ્રષ્ટિ-સૃષ્ટિ હવે તમારા પર રુકેલ છે.

કિશોર આપ સૌને આમંત્રણ આપવાનું ચુકેલ છે,
પણ હમણાં જ આપ સૌને આમંત્રણ મોકલેલ છે.

ડો.કિશોરભાઈ એમ.પટેલ
આઈ.એન.ટેકરાવાળા ઉ.મા.શાળા,રાંદેરરોડ,સુરત-૯

!!…નવલી ઉત્તરાયણ આવી રે…!!


!!…નવલી ઉત્તરાયણ આવી રે…!!

નવલી ઉત્તરાયણ આવી રે,
ઠંડીની મોસમ લાવી રે…નવલી ઉત્તરાયણ આવી રે…!

ગુંદરપટ્ટી,મલમપટ્ટી તૈયાર કરાવી રે,
કાયપોચ,કાયપોચની બુમરાણ લાવી રે…નવલી ઉત્તરાયણ આવી રે…!

રંગબેરંગી કનકવા લાવી રે,
બહેની ફિરકી પકડ્વા આવી રે…નવલી ઉત્તરાયણ આવી રે…!

અમે તો દમદાર દોરી સજાવી રે,
લપેટ,લપેટનો ઘોઘાટ લાવી રે…નવલી ઉત્તરાયણ આવી રે…!

ફિરકી લપેટવાની,સરતી મુકાવવાની,
પુછડિયા પતંગ ચગાવવાની મોસમ આવી રે…નવલી ઉત્તરાયણ આવી રે…!

તલ – ચીકીના લાડુ લાવી રે,
ટેરેસ પર મળીશું ભાઈ-બહેની રે…નવલી ઉત્તરાયણ આવી રે…!

તમે એક વાત રાખજો યાદ,
કરશો ના પક્ષીને ઘાયલ…નવલી ઉત્તરાયણ આવી રે…!

મોટેરાને મારી એક ફરિયાદ,
રાખજો તમારા બાળની સંભાળ…નવલી ઉત્તરાયણ આવી રે…!

મારી એક વાત સાંભળોજી,
માઈક-બાઈકમાં રાખજો કાળજી…નવલી ઉત્તરાયણ આવી રે…!

વીજળીના તારમાં ન ભેરવાય દોરીના તાર,
જરા દોરી ખેંચવાની ધીમી રાખજો રફતાર…નવલી ઉત્તરાયણ આવી રે…!

રચયિતા ઃ ડો. કિશોરભાઈ એમ.પટેલ
આઈ. એન.ટેકરાવાળા ઉ.મા.શાળા,રાંદેરરોડ,સુરત-૯