Archive for the ‘સામાજીક રજૂઆતો’ Category

“ બેટી બચાવો, બેટી પઢાવો ”


“ બેટી બચાવો, બેટી પઢાવો ”

દીકરી બાપની આંખ છે,

દીકરી મા ની પાંખ છે,…. બેટી બચાવો, બેટી પઢાવો…..!

 

બાપના દુખમાં દુખી,

બાપના સુખમાં સુખી,…. બેટી બચાવો, બેટી પઢાવો…..!

 

દીકરો બાપનું રૂપ છે,

દીકરી મા નું સ્વરૂપ છે. ,…. બેટી બચાવો, બેટી પઢાવો…..!

 

નદી જેવી નદીને પણ

દીકરી થઈ ભમવું પડે,

પર્વત જેવા બાપને પણ

દીકરીના સાસરે નમવું પડે,…. બેટી બચાવો, બેટી પઢાવો…..!

 

દીકરો બાપનો શ્વાસ છે,

દીકરી મા નો વિશ્વાસ છે. ,…. બેટી બચાવો, બેટી પઢાવો…..!

 

દીકરો બાપનો હાથ છે,

દીકરી મા નું હૈયુ છે. ,…. બેટી બચાવો, બેટી પઢાવો…..!

 

દીકરો બાપની લાકડી છે,

દીકરી બાપની લાડકી છે. ,…. બેટી બચાવો, બેટી પઢાવો…..!

 

દીકરો બાપનો દિપક છે,

દીકરી મા ની રોશની છે. ,…. બેટી બચાવો, બેટી પઢાવો…..!

 

અંતે કિશોર કહે…………!

દીકરી છે, પારકી થાપણ,

એની ન કરશો કદી

ભીની પાંપણ,…. બેટી બચાવો, બેટી પઢાવો…..!

+++++++++++++++++++++++++++++++++++++++++++++++++++++++++++

ડૉ. કિશોરભાઈ મોહનભાઈ પટેલ

શ્રેષ્ઠ શિક્ષક રાજ્ય પારિતોષિક વિજેતા-2006

શ્રીમતી આઈ.એન.ટેકરાવાળા ઉ.મા.શાળા, રાંદેરરોડ, સુરત – 9

!…લઈ જાય છે, લોકો કાંદા-બટેટા…!


!…લઈ જાય છે, લોકો કાંદા-બટેટા…!

pamyu-onion-o 

લોકો ઝૂમી રહ્યા છે,

મોંઘવારીના ચક્કરમાં, 

 

ટક્કર લઈ રહ્યા છે,

સોંઘવારી શોધવામાં,

 

નાણું થઈ ગયું કાળુ

વિદેશમાં જઈને,

 

દેશમાં આવે તો

થઈ જશે ધોળુ,

onion

હવે લગ્નના ચાંદલામાં

લઈ જાય છે, લોકો કાંદા-બટેટા,

 

મહિને થતા પગારે

દાદા-દાદી ખુશી ખુશી

ખાઈ શકે છે, કાંદા

 

યાદ અવે છે, ચૂંટણી સંવાદો

લોક મુખે વિવાદે ચઢ્યા વાયદાઓ

+++++++++++++++++++++++++++++++++

( ચિત્ર આપવા બદલ ગુગલ મહારાજ કી જય હો )

ડૉ. કિશોરભાઈ એમ.પટેલ

શ્રીમતી ઈ.ના.ટેકરાવાળા ઉ.મા.શાળા, રાંદેરરોડ, સુરત-9

 

 

 

 

 

 

 

!… બ્લોગ પર નજર નાંખતા જજો…!


!… બ્લોગ પર નજર નાંખતા જજો…!

 

આવતા ને જતાં જરા

બ્લોગ પર નજર નાંખતા જજો

બીજું તો કાંઈ નહિ પરંતુ

પ્રતિભાવ મુકતા જજો,  

 

આવતા ને જતાં જરા

બ્લોગ પર નજર નાંખતા જજો

બીજું તો કાંઈ નહિ પરંતુ

એક લાઈક તો કરતા જજો,

 

આવતા ને જતાં જરા

બ્લોગ પર નજર નાંખતા જજો

બીજું તો કાંઈ નહિ પરંતુ

એકવાર મુલાકાત કરતા જજો,

 

આવતા ને જતાં જરા

બ્લોગ પર નજર નાંખતા જજો

બીજું તો કાંઈ નહિ પરંતુ

ઈ-મેઈલ તો લખતા જજો,

 

આવતા ને જતાં જરા

બ્લોગ પર નજર નાંખતા જજો

બીજું તો કાંઈ નહિ પરંતુ

માતૃભાષાનો પ્રચાર કરતા જજો,

 

આવતા ને જતાં જરા

બ્લોગ પર નજર નાંખતા જજો

બીજું તો કાંઈ નહિ પરંતુ

સંસ્કૃતિનું જતન કરતા જજો,

 

આવતા ને જતાં જરા

બ્લોગ પર નજર નાંખતા જજો

બીજું તો કાંઈ નહિ પરંતુ

ભાઈચારો તો ફેલાવતા જજો,

+++++++++++++++++++++++++++++++++++++

( ચિત્ર લેવા બદલ ગુગલ અને નેટ જગતનો આભાર )

ડો. કિશોરભાઈ એમ.પટેલ

શ્રીમતી આઈ. એન. ટેકરાવાળા ઉ. મા. શાળા, રાંદેરરોડ, સુરત

 

 

 

 

 

!…સમજી જજો…!


!…સમજી જજો…!

1

ભેગા થઈ ન કરો દેખાડો,

બની ગયો છે, અખાડો

સેવાનો ન કરો દંભ,

કરો કામનો પ્રારંભ

મસ મોટી છે, અદેખાઈ,

ન પુરી કરી શકાશે ખાઈ

બની ગઈ છે, એક ટોળી,

તેઓ સમજે છે,

પ્રજા ભલી ભોળી

2

 

આપે છે શરૂમાં એક-વચન,

ભેગા થઈ બની ગયા બહુવચન

જામ્યો છે ચારેકોર જંગ

પ્રજા બતાવશે આ વખતે રંગ

કિશોર કહે છે,

છીએ અમો ભોળા

પણ નથી અમો ઠોઠ

આ સાંભળી બંધ થઈ ગયા

સૌના હોઠ

L

++++++++++++++++++++++++++++++++

( ચિત્ર બદલ ગુગલ મહારાજનો આભાર )

ડૉ.કિશોરભાઈ એમ.પટેલ

શ્રીમતી આઈ.એન.ટેકરાવાળા ઉ.મા.શાળા, સુરત-9

!…હળાહળ કળિયુગ બેઠો રે…!


!…હળાહળ કળિયુગ બેઠો રે…!

 1

ધનવાન ના સૌ કોઈ બેલી

ગરીબોની કહાની અલબેલી…હળાહળ કળિયુગ બેઠો રે…!

 

બેંક બેલેન્સ જોઈ સંબંધો બંધાય

પ્રમાણિકતાનું બેલેન્સ જોતા નથી કોઈ…હળાહળ કળિયુગ બેઠો રે…!

 

સગા – સંબંધી પણ તોલે ભેટથી

સોના-ચાંદીની ભેટથી સંબંધો બંધાય…હળાહળ કળિયુગ બેઠો રે…!

 

સિરિયલો જોઈ સમાજ બદલે કરવત

ભષ્ટાચારની લાગે લાંબી વણઝાર…હળાહળ કળિયુગ બેઠો રે…!

 

ક્રિકેટરો કરે મેચ ફિક્સ

ભારતીય આંધળો પ્રેમ ન કરો…હળાહળ કળિયુગ બેઠો રે…!

 

કરોડો ભેગા કરનારને

એ ક્યાં ખબર છે કે

પ્રભુનો કોરડાનો અવાજ નથી…હળાહળ કળિયુગ બેઠો રે…!

 

કરોડો ભેગા કરનારને

એ ક્યાં ખબર છે કે

દોઢ કિલોના વજને આવ્યાને

જવાના પણ એટલામાંજ…હળાહળ કળિયુગ બેઠો રે…!

+++++++++++++++++++++++++++++++++++++

( ચિત્ર લેવા બદલ ગુગલ અને નેટ જગતનો આભાર )

ડો. કિશોરભાઈ એમ.પટેલ

શ્રીમતી આઈ. એન. ટેકરાવાળા ઉ. મા. શાળા, રાંદેરરોડ, સુરત

!… ઉનાળો ગરમી ઓકતો જાય…!


!… ઉનાળો ગરમી ઓકતો જાય…!

2 

અગન ગોળા ઓકતો જાય

ઉનાળો લાવારસ ઓકતો જાય

 

ફળોનો રાજા કેરી મુકતો જાય

ઉનાળો ગરમી ઓકતો જાય

 

ચારેકોર “ લુ ”  લગાવતો જાય

ઉનાળામાં લોકો “ કુલફી ”  ખાતા જાય

 

પાણી ઉંડા ઉતરતા જાય

ઉનાળો “ ડીહાઈડ્રેશન ”  કરતો જાય

 

ધરતી મૈયા તપતી જાય

ગરમીની સડક બનતી જાય

 

પશુ-પંખી, માનવો માળો શોધતા થાય

ઉનાળો ગરમી ઓકતો જાય

 

નદી – નાળા સુકાતા જાય

તરબૂચના ઢગલા વાળતો જાય

 1

ધરતીપૂત્રો કણ કણ વાવતા જાય

ઉનાળો ગરમી ઓકતો જાય

 

કાગડોળે વર્ષારાણીનો

આગમન જોતા થાય

ઉનાળો ગરમી મુકતો જાય 

 

**********************************************

ડૉ. કિશોરભાઈ એમ.પટેલ

શ્રીમતી આઈ.એન.ટેકરાવાળા ઉ.મા.શાળા,

પાલનપુર પાટિયા, રાંદેરરોડ, સુરત

!!!…વિશ્વ ઉજવે છે, ચકલી દિન…!!!


!!!…વિશ્વ આજ ઉજવે છે, ચકલી દિન…!!!

વિશ્વ આજ ઉજવે છે. ચકલી દિન

નેતાઓ બતાવે ચહેરા નકલી રે,

 

બનાવો ઘર ઘર ચકલીનો માળો,

રોજ રોજ ચકલીને ચણ આપો રે,

વિશ્વને આજ ખબર પડી કે

ચકલી જ છે. અસલી મિત્ર,

 

લાગે છે, બહાર આવ્યું સાચુ ચિત્ર

બનાવો યારો ચકલીને મિત્ર,

જીવદયાને કરો “ યાદ ”

ન રહેશે પર્યાવરણની “ ફરિયાદ”

 

ચકલી સંગ કરો પક્ષીની મિત્રતા

ઘર ઘર ચકલી અપનાવો રે,

કિશોર કહે ચકલી સંગ

યાદ કરો ગાંધી બાપુની “ તકલી ”  આજ,

દેશ-દેશાવરને છે. એમના પર નાઝ

 

*******************************************

ડૉ. કિશોરભાઈ એમ.પટેલ

આઈ.એન.ટેકરાવાળા ઉ.મા.શાળા, રાંદેરરોડ, સુરત

 

!…પ્લસ – માયનસ કરો…!


!…પ્લસ – માયનસ કરો…!

plus_minus 

પરિશ્રમને પ્લસ કરો

આળસને માયનસ કરો

સ્વપ્નને સાકાર કરો

 

સાદગીને પ્લસ કરો

ઈર્ષાને માયનસ કરો

સ્વપ્નને સાકાર કરો

 

ગુણોને પ્લસ કરો

વ્યસનને માયનસ કરો

સ્વપ્નને સાકાર કરો

blooming_rose 

પઢાઈને પ્લસ કરો

બેધ્યાનને માયનસ કરો

 સ્વપ્નને સાકાર કરો

 

સમયને પ્લસ કરો

અશિસ્તને માયનસ કરો

 સ્વપ્નને સાકાર કરો

 

સંયમને પ્લસ કરો

ખોટા ખર્ચાને માયનસ કરો

સ્વપ્નને સાકાર કરો

 

પ્રેમને પ્લસ કરો

ગુસ્સાને માયનસ કરો

 સ્વપ્નને સાકાર કરો

 

કિશોર કહે,

બંદગીને પ્લસ કરો

આરામને માયનસ કરો

 સ્વપ્નને સાકાર કરો

+++++++++++++++++++++++++++++++++++++

 

( ચિત્ર લેવા બદલ ગુગલ અને નેટ જગતનો આભાર )

ડો. કિશોરભાઈ એમ.પટેલ

શ્રીમતી આઈ. એન. ટેકરાવાળા ઉ. મા. શાળા, રાંદેરરોડ, સુરત

!…દીકરી તો પારકી થાપણ કહેવાય…!


!…દીકરી તો પારકી થાપણ કહેવાય…!

animated-girl-smile 

સ્નેહનો સાગર છલકાય

ને મારી દીકરીનું મૂખડુ મલકાય,

 

હેતનાં હર્ષાશ્રુ ઉભરાય

દીકરી તો પારકી થાપણ કહેવાય,

 

મમતાની માયા ઉભરાય

પિતાનું હૈયુ હરખાય

એ તો કોઈને ના કહેવાય,

 

સહનશીલતાની મૂર્તિ

એનું ઋણ કેમ રે કરી ચુકવાય,

 

ત્યાગની તપસ્વિનિ કહેવાય

મોકલીએ કુદરતના આશરે

બધા બંધનો છોડી સાસરે

Girl 

આંખના આંસુડા સુકાય

દિલમાં પીડા અનુભવાય

એ તો કોઈથી ના સહેવાય,

 

કિશોર કહે આજ સૌને

સહી ના શકાય

દીકરીની જુદાય

+++++++++++++++++++++++++++++++++++++++

( ચિત્ર લેવા બદલ ગુગલ અને નેટ જગતનો આભાર )

ડો. કિશોરભાઈ એમ.પટેલ 

શ્રીમતી આઈ. એન. ટેકરાવાળા ઉ. મા. શાળા,

રાંદેરરોડ, સુરત

!… સારા નેતા શોધવા જાશું તો થાકી જઈશું…!


!… સારા નેતા શોધવા જાશું તો થાકી જઈશું…!

 

 સારા નેતા શોધવા જાશું તો થાકી જઈશું,

પણ નેતાઓમાં સારૂ શું છે,

 તે શોધીશું તો ફાવી જઈશું.

 

સારા માણસો શોધવા જાશું તો થાકી જઈશું,

પરંતુ માણસોમાં સારૂ શું છે,

તે શોધીશું તો ફાવી જઈશું.

 

નેતાઓના વચનો ગણવા જઈશું તો થાકી જઈશું,

પરંતુ કેટલા વચનો પાળે છે,

તે શોધીશું તો ફાવી જઈશું.

 

ભ્રષ્ટાચાર કોણે કર્યો તે ગોતવા જાશું તો થાકી જઈશું,

પરંતુ કોણે ભ્રષ્ટાચાર ઓછો કર્યો છે,

તે શોધીશું ફાવી જઈશું.  

 

કોનામાં નૈતિકતા છે. તે શોધવા જાશું તો થાકી જઈશું,

પરંતુ કોણે નૈતિકતા જાળવી છે.

તે શોધીશું તો ફાવી જઈશુ.

 

અભદ્ર ભાષા કોણ બોલે છે. તે શોધવા જાશું તો થાકી જઈશું,

પરંતુ કોણ અભદ્ર ઓછી બોલે છે.

તે શોધીશું તો ફાવી જઈશું.

 

કિશોર કહે કોને મત આપવો તે ચર્ચીશું તો થાકી જઈશું,

પરંતુ આપણાં વિસ્તારમાં કયા-કામો કેટલા થયા,

તે શોધીશું તો ફાવી જઈશું.

 

+++++++++++++++++++++++++++++++++++++

 

( ચિત્ર લેવા બદલ ગુગલ અને નેટ જગતનો આભાર )

ડો. કિશોરભાઈ એમ.પટેલ